Álem chempıonaty: Qazaqstan jastar quramasy Shvetsııadan oısyraı jeńildi

ASTANA. KAZINFORM - Shaıbaly hokkeıden Qazaqstan jastar quramasy álem chempıonatyndaǵy alǵashqy oıynyn Shvetsııaǵa qarsy ótkizdi.

Qarsylasymyz álemde tájirıbeli quramalardyń qatarynda sanalady. Qazirge deıin 1981, 2012 jyldarda chempıon atansa, oǵan qosa birneshe márte kúmis jáne qola medal aldy.

Kezdesý barysynda shvetsııalyq hokkeıshiler birinshi kezeńde bes shaıba soǵyp úlgerdi. Al ekinshi kezeńde olar taǵy bir shaıba soqsa, oǵan qazaqstandyq Artýr Gross 37-mınýtta bir golmen jaýap berdi.

Úshinshi kezeńde shvetsııalyq hokkeıshiler taǵy eki márte mergendik tanytty.

Osylaısha qazaqstandyq jastar qarsylasyna 1:8 esebimen jeńilip qaldy.

Dúbirli doda 26 jeltoqsan men 5 qańtar aralyǵynda Kanada astanasy Ottava qalasynda ótedi. 
Qazaqstandyq hokkeıshiler B tobynda Shvetsııa, Chehııa, Shveıtsarııa, Slovakııa quramalarymen synǵa túsedi.

Endi qazaqstandyq hokkeıshiler búgin, qazaqstandyq ýaqytpen 23:00-de Chehııamen sheberlik baıqassa, odan keıin 30 jeltoqsanda Slovakııa, 31 jeltoqsanda Shveıtsarııamen oınaıdy.