Álem chempıonaty: Qazaqstan jasóspirimder quramasynan eki balýan fınalǵa shyqty

ASTANA. KAZINFORM — Grekııa astanasy Afıny qalasynda ótip jatqan grek-rım kúresinen 17 jasqa deıingi jasóspirimder arasyndaǵy álem chempıonatynda qazaqstandyq eki sportshy fınalǵa shyqty.

Dúbirli dodada el quramasynan mundaı múmkindikke Nurdáýlet Kumaruly (48 keli) men Asqar Nurálı (55 keli) ıe boldy. 

Sondaı-aq endi el quramasynan Jańajol Qýanyshbek (45 keli), Bazarbek Danııar (51 keli), Aqon Damır (60 keli), Shamıl Dosbol (65 keli), Meıirbekuly Marlen (71 keli), Makhambaev Mardanbek (80 keli), Toıshy Ədilet (92 keli), Sovethan Baqtup (110 keli) bozkilemge shyǵady.
Álem chempıonaty 27-31 shilde aralyǵynda ótedi.

Aıta ketsek, qazaqstandyq tóreshiler 2025 jylǵy kúres túrleri boıynsha álem chempıonatynda qyzmet atqarady.

Birikken kúres álemi (UWW) jarııalaǵan 2025 jyly Horvatııanyń Zagreb qalasynda ótetin álem chempıonatynda qyzmet atqaratyn tóreshiler qatarynda Igor Lıgaı men Erik Jumabekov bar.

Aıta keteıik, ótken jyly qazaqstandyq mamandar Parıjde ótken Olımpıada oıyndaryna tóreshi retinde shaqyrylǵan edi.