Álem chempıonaty: Qazaqstan jasóspirimder quramasy Aýstrııany jeńdi

ASTANA. KAZINFORM - Shaıbaly hokkeıden Qazaqstan 18 jasqa deıingi jasóspirimder quramasy búgin álem chempıonatyndaǵy tórtinshi oıynyn Aýstrııaǵa qarsy ótkizedi.

Otandastarymyz birinshi dıvızıonnyń A tobynda synǵa túsip jatyr. Qarsylastary - Danııa, Majarstan, Slovenııa, Aýstrııa jáne Ýkraına.

Kezdesý barysynda qazaqstandyq hokkeıshiler belsendi qımyl kórsetti. Nátıjesinde birinshi kezeńde olar qatarynan úsh shaıba soǵyp ketti. Ekinshi keezńde aýstrııalyq hokkeıshiler bir golmen jaýap qaıyrsa, sheshýshi kezeńde qarsylastar bir-bir shaıbadan almasty.

Osylaısha qazaqstandyq hokkeıshiler Aýstrııany 4:2 esebimen tize búktirdi.

Qazaqstan - Aýstrııa 4:2 (3:0, 0:1, 1:1)

1:0 - 05:22 - Maqysh (Ibragım, Sarkenov) 

2:0 - 13:24 - Kıreev (Medvedev, Evplov)

3:0 - 14:40 - Túsipbekov (Baqyt, Mındýbaev)

3:1 - 35:53 - Kolarık (Oberhaýzer, Hýttsınger) 

3:2 - 49:21 - Oberhaýzer (Kolarık) 

4:2 - 58:53 - Ibragım 

Qaqpashylar: Lytkın - Haıttsman 

Endi otandastarymyz 26 sáýirde Ýkraınamen kezdesedi.

Qazirge deıin qazaqstandyq hokkeıshiler Slovenııaǵa býllıtten 2:3, Danııaǵa 2:5 esebimen ese jiberse, odan keıin Majarstandy 4:0 esebimen tize búktirdi. 

Kósh basynda 9 upaımen Ýkraına men Danııa quramasy keledi. Odan keıingi oryndardaǵy Qazaqstannyń - 7, Slovenııanyń -5 upaıy bar. Al besinshi oryndaǵy Aýstrııa -3 upaı enshilese, ázirge Majarstannyń qorjyny bos.