Álem chempıonaty: Qazaqstannyń paradzıýdodan erler quramasy altynǵa talasady

ASTANA. KAZINFORM - Astanada ótip jatqan paradzıýdodan álem chempıonatynda erler quramasy arasyndaǵy komandalyq jarysta qazaqstandyq balýandar fınalǵa joldama aldy.

Jartylaı fınalda olar Grýzııany 4:2 esebimen jeńdi. Budan buryn Mońǵolııany 4:1 esebimen tize búktirgen edi.

Aıta ketsek, 13-14 mamyr kúnderi álem chempıonatynda jekeleı syndaǵy beldesýler aıaqtaldy.

Álem chempıonatynda eki kúnniń qorytyndysy boıynsha el quramasy jekeleı synda 2 altyn, 2 kúmis jáne 5 qola júlde enshiledi.

J2 sanatynan Beksultan Qulmyrza (81 keli) men Jurqamyrza Shúkirbekov (95 keliden joǵary) altyn alsa, Ǵalymjan Smaǵululy (81 keli) men J2 sanatynda Aıala Mereke (70 keli) kúmis júldege qol jetkizdi.

J1 sanaty boıynsha Erǵalı Shameı (81 keli), Aınaz Quralova (46 keli), Baǵlanbek Ońalbek (95 keliden joǵary), Erlan Ótepov (95 keliden joǵary), J2 sanatynda Daıana Fedosova (60 keli) qola júldeger boldy.