Álem chempıonaty: Qazaqstan - Lıhtenshteın kezdesýinde kim tóreshilik etedi

ASTANA. KAZINFORM — Fýtboldan 2026 jylǵy álem chempıonaty irikteý kezeńindegi Qazaqstan men Lıhtenshteın kezdesýinde polshalyq tóreshiler brıgadasy qyzmet atqaradyKezdesý 10 qazan kúni 19:00–de bastalyp, «Qazsport» telearnasynan tikeleı efırde kórsetiledi.

Bas tóreshi mindetin Pavel Rachkovskı atqarsa, oǵan Martsın Bonek pen Bartosh Heınıg kómektesedi. Tórtinshi tóreshi de sol eldiń ókili Patrık Grıtskevıch.

Eske salsaq, qazirge deıin qazaqstandyq fýtbolshylar Belgııa (0:6), Ýels (1:3, 0:1) pen Soltústik Makedonııa (0:1) quramalarynan jeńilip, Lıhtenshteınnen (2:0) basym tústi.

Aıta ketsek, fýtboldan Lıhtenshteın quramasy Qazaqstannyń ÝEFA aıasyndaǵy 48-inshi qarsylasy boldy. 

Ázirge qazaqstandyq fýtbolshylar Gıbraltar, Izraıl, Ispanııa, Italııa, Kosovo, Lıhtenshteın jáne Shveıtsarııamen kezdese alǵan joq.

Qazaqstandyq fýtbolshylar atalǵan uıym aıasynda 2002 jyldyń 25 sáýirinen bastap oıyn kórsetip keledi. Olar Álem jáne Eýropa chempıonattary, Ulttar lıgasy týrnırlerinde baq synady.

Eske salsaq, fýtboldan 21 jasqa deıingi Qazaqstan jastar quramasy 2027 jylǵy Eýropa chempıonatynyń irikteý kezeńi aıasynda Andorradan jeńilip qaldy.