Álem chempıonaty: Qazaqstan quramasy Ýelske ese jiberdi
ASTANA. KAZINFORM — Búgin fýtboldan Qazaqstan quramasy 2026 jylǵy álem chempıonaty irikteý kezeńindegi tórtinshi oıynyn Ýelske qarsy ótkizdi.
Alǵashqy mınýttan Qazaqstan: quramasy sapynda Temirlan Anarbekov, ıAn Vorogovskıı, Sergeı Malyı, Álibek Kasym, Nuraly Álip, Baǵdat Qaıyrov, Ramazan Orazov, Damır Qasabolat, Ǵalymjan Kenjebek, Maksım Samorodov, Dastan Sátpaev shyqty.
Kezdesý barysynda ýelstik fýtbolshylar alǵashqy mınýttan belsendilik kórsetti. Alańnyń qos qanatynan jıi shabýyl uıymdastyrdy. Oǵan qazaqstandyq qorǵaýshylar laıyqty deńgeıde tótep bere bildi.
Sondaı-aq alań ıeleri de qarsy shabýylǵa shyqty. Osyndaı sáttiń birinde qazaqstandyq jartylaı qorǵaýshy Ǵalymjan Kenjebek gol soǵatyn múmkindigin múlt jiberip aldy. Onyń tepken doby qaqpa baǵanasynan sál qıys ketti.
Oıynnyń 25-mınýtynda ýelstik Kıffer Mýr kózdegen nysanadan múlt ketken joq.
Osylaısha Qazaqstan quramasy qarsylasyna 0:1 esebimen jol berdi.
Quramalar J tobynda synǵa túsip jatyr. Qazirge deıin 3 oıynnan keıin Ýels quramasy 6 upaımen ekinshi orynda tursa, tórtinshi oryndaǵy Qazaqstannyń 3 upaıy bar. Olardan basqa atalǵan topta Soltústik Makedonııa, Ýels jáne Lıhtenshteın synǵa túsedi.
Qazirge deıin qazaqstandyq fýtbolshylar Ýels (1:3) pen Soltústik Makedonııa (0:1) quramalarynan jeńilip, Lıhtenshteınnen (2:0) basym tústi.
Sondaı-aq ulttyq qurama 7 qyrkúıekte syrt alańda Belgııamen kezdesedi.