Álem chempıonaty: Qazaqstan quramasy ártistik júzýden fınalǵa shyqty

ASTANA. KAZINFORM – Sıngapýrda ótip jatqan sý sporty túrlerinen álem chempıonatynda Qazaqstan quramasy komandalyq saıystyń fınalyna joldama aldy.

QR UOK málimetinshe, ulttyq qurama toptyq akrobatıkalyq baǵdarlamanyń irikteý kezeńinde 190.1238 upaı jınap, 11-orynǵa turaqtady.

Qazaqstan quramasy sapynda: Nargıza Bolatova, Vıktor Drýzın, Ksenııa Makarova, Arına Mıasnıkova, Jaklın ıAkımova, Áıgerim Qurmanǵalıeva, Anna Pavletseva, Janııa Jıenǵazy óner kórsetip jatyr.

Aıta keteıik, fınaldyq saıys 25 shildede ótedi.

Eske sala keteıik, Qazaqstan sý sporty túrleri federatsııasyna jańa basshy keldi.

Fılıppın eliniń Nıý-Klark-Sıtı qalasynda ótken sý sporty túrlerinen ártúrli jas sanatyndaǵy XI Azııa chempıonatynda Qazaqstan Qytaı quramasyn jeńip, qola júldege qol jetkizdi.