Álem chempıonaty: Qazaqstan quramasy 12 jylǵa sozylǵan sátsizdik serııasyn toqtatty

ASTANA. KAZINFORM - Fýtboldan Qazaqstan quramasy 2026 jylǵy álem chempıonaty irikteý kezeńindegi ekinshi kezedsýinde Lıhtenshteınnen basym tústi.

Әлем чемпионаты: Қазақстан құрамасы 12 жылға созылған сәтсіздік сериясын тоқтатты
Фото: ҚФФ

Atalǵan matchta Djon Bıton bastaǵan shotlandııalyq tóreshiler qyzmet atqardy. Oǵan otandastary Denıel Makfarleın men Devıd Makgıchı kómek berdi.

Lıhtenshteın FIFA reıtınginde 204-orynda keledi. Ázirge eshqandaı joǵary nátıjesimen kózge túsken joq.

Soǵan qaramastan Qazaqstan quramasynyń bas bapkeri mindetin atqarýshy Alı Alıev árbir oıynǵa jaýapkershilikpen qaraıtynyn eske saldy. Alǵashqy týrdaǵy Ýelspen kezdesýden keıin birshama ózgeris engizdi. Qaqpada Aleksandr Zarýtskııdiń ornyna Muhammedjan Seısen jasyl alańǵa shyqty. Sondaı-aq qurama kapıtany Ashat Taǵybergen, Serikjan Mýjıkov qosalqy quramda qaldy. Olardyń ornyna Georgıı Jýkov, Ramazan Orazov shyqty. Al jas fýtbolshy Dastan Sátpaevqa birden shabýyl shebi senip tapsyryldy.

Alǵashqy mınýttan qazaqstandyq fýtbolshylar tizgindi qolǵa alýǵa tyrysty. Oǵan alań ıeleri laıyqty qarsylyq kórsetti. Olar shabýylǵa toıtarys berip, keıbir sátte qazaqstandyq qorǵaýshylardy mazalap turdy.

Oıynnyń 42-mınýtynda áriptesi Marat Bystrovtyń bergen pasyn shabýylshy Maksım Samorodov golǵa aınaldyra bildirdi. Arada úsh mınýt ótkende ádemi pas shyǵardy. Bul múmkindikti Aleksndar Marochkın múlt jibergen joq. Ol ulttyq qurama sapynda elýinshi kezdesýinde alǵashqy golyn soqty.

Ekinshi kezeńde qazaqstandyq fýtbolshylar basymdyqty arttyrdy. Soǵan qaramastan olar gol soǵa almady. Osylaısha Qazaqstan qarsylasynan 2:0 esebimen basym tústi.

Aıta ketsek, búgin Qazaqstan álem chempıonatyna irikteý týrnırinde sátsizdik serııasyn toqtatty. Atalǵan dodada el quramasy 12 jyl boıy jeńiske jete almaı kelgen edi. Sońǵy ret el quramasy 2013 jyldyń qyrkúıek aıynda Farer araldaryn (2:1) jeńgen bolatyn. Sodan beri ulttyq komanda 22 match ótkizip, 7 oıynda teń túsip, 15 kezdesýde jeńilis tapty.

Endi el quramasy aldaǵy oıynyn 9 maýsymda óz alańynda Soltústik Makedonııa quramasyna qarsy ótkizedi.

Сейчас читают