Álem chempıonaty: Qazaqstan hokkeıshileri elıtalyq dıvızıonǵa shyǵa almady

ASTANA. KAZINFORM — Hokkeıden Qazaqstan jastar quramasy Slovenııada ótip jatqan IA dıvızıonyndaǵy álem chempıonatyndaǵy kezekti oıynyn ótkizdi. 

Bul kezdesýde otandastarymyz Norvegııa quramasymen sheberlik baıqasty. Ókinishke qaraı, qazaqstandyqtar qarsylastarynan 10:2 esebimen oısyraı jeńildi.

Osy nátıjeden keıin Qazaqstan quramasy top-dıvızıonǵa shyǵý múmkindiginen aıyryldy.

Jarystaǵy sońǵy oıyndy bizdiń hokkeıshiler Aýstrııa quramasyna qarsy ótkizedi.

Buǵan deıin Qazaqstan hokkeıden jastar arasyndaǵy álem chempıonatynda Slovenııadan basym túskenin jazǵanbyz.