Álem chempıonaty: Qazaqstan hokkeı quramasy qatarynan besinshi márte jeńildi

ASTANA. KAZINFORM — Shaıbaly hokkeıden Qazaqstan quramasy 2025 jylǵy álem chempıonaty elıtalyq dıvızıonyndaǵy besinshi oıynyn búgin Chehııaǵa qarsy ótkizdi.

Kezdesý barysynda chehııalyq hokkeıshiler alǵashqy mınýttan jyldam gol soǵýǵa tyrysty. Nátıjesinde 5-mınýtta olardyń qatarynan Mateı Stranskı esep ashsa, odan keıin ıAkýb Flek 21, Mateı Stranskı 32, Roman Chervenka 37, Adam Klapka 41-mınýtta basymdyqty arttyra tústi.

El quramasynan 47-mınýtta Vıacheslav Kolesnıkov esep aıyrmasyn qysqartsa, Roman Chervenka 53, 55, Adam Klapka 59-mınýtta taǵy úsh gol soqty.

Osylaısha Qazaqstan quramasy qarsylasyna 1:8 esebimen ese jiberdi. 

Qazirge deıin Qazaqstan quramasy Norvegııany (2:1) jeńip, Germanııaǵa (1:4), Majarstanǵa (2:4), Danııaǵa (1:5) ese jiberdi.

Endi qazaqstandyq hokkeıshiler aldaǵy oıynyn 18 mamyrda AQSh quramasyna qarsy ótkizedi.
Sondaı-aq A tobynda Frantsııa Shvetsııadan 0:4 esebimen jeńilip qaldy.

Búgin A tobynda Fınlıandııa Latvııadan 2:1 esebimen basym tússe, AQSh quramasy Germanııany 6:3 esebimen tize búktirdi.

Endi A tobynda Kanada men Slovakııa, V tobynda Danııa men Norvegııa sheberlik baıqasady.