Álem chempıonaty: Qazaqstan hokkeı quramasy Danııaǵa ese jiberdi

ASTANA. KAZINFORM — Shaıbaly hokkeıden Qazaqstan quramasy 2025 jylǵy álem chempıonaty elıtalyq dıvızıonyndaǵy tórtinshi oıynyn Danııaǵa qarsy ótkizdi.

Álem chempıonatynda Qazaqstan quramasy V tobynda oınap jatyr. Qarsylastary — Fınlıandııa, Chehııa, AQSh, Germanııa, Danııa, Norvegııa jáne Majarstan. Oıyndar Danııanyń Hernıng qalasynda bolady.

Eki qurama buǵan deıin alty márte sheberlik baıqasqan edi. Onyń ekeýinde qazaqstandyq hokkeıshiler jeńiske jetse, qalǵanyna qarsylasyna ese jiberdi.

Búgingi kezdesý barysynda danııalyq hokkeıshiler belsendilik kórsetti. Nátıjesind olardyń qatarynan Mıkkel Ogor 24, Aleksander Trýe 32-mınýtta eki shaıba soǵyp ketti.

Oıynnyń 46-mınýtynda qazaqstandyq Nıkıta Mıhaılıs tarazy basyn teńestirdi.
Al danııalyq quramadan Krıstıan Vaıse Matıasen 50, Aleksander Trýe 51, Nık Olesen 59-mınýtta basymdyqty arttyra tústi.

Osylaısha qazaqstandyq hokkeıshiler qarsylasyna 1:5 esebimen ese jiberdi.

Qazirge deıin Qazaqstan quramasy Norvegııany (2:1) jeńip, Germanııaǵa (1:4), Majarstanǵa (2:4) ese jiberse, Danııa AQSh-tan (0:5), Shveıtsarııadan (2:5) jáne pen Chehııadan (2:7) jeńildi.

Endi qazaqstandyq hokkeıshiler aldaǵy oıynyn 17 mamyrda Chehııaǵa qarsy ótkizedi.

Sondaı-aq búgin V tobynda AQSh quramasy Norvegııany overtaımnan keıin 6:5 esebimen jeńdi.
Al A tobynda Slovakııa Frantsııany 2:1, Shvetsııa Latvııany 6:0 esebimen tize búktirdi.