Álem chempıonaty: Qazaqstan hokkeı quramasy búgin Polshamen kezdesedi

ASTANA. KAZINFORM - Búgin, 20 mamyrda shaıbaly hokkeıden álem chempıonaty elıtalyq dıvızıonynda Qazaqstan quramasy jetinshi oıynyn Polshaǵa qarsy ótkizedi.

Álem chempıonatynda qazaqstandyq hokkeıshiler V tobynda Frantsııa, Slovakııa, Latvııa, Shvetsııa, Germanııa, AQSh jáne Polshamen synǵa túsip jatyr.

Dúbirli doda 10-26 mamyr aralyǵynda Chehııanyń Praga jáne Ostrava qalalarynda ótkizilip jatyr.

Qazaqstan men Polsha kezdesýi saǵat 23.20-de bastalyp, «Qazsport» telearnasynan tikeleı efırde kórsetiledi.

Eki qurama buǵan deıin 12 márte kezdesti. Onyń 9-da qazaqstandyq hokkeıshiler jeńiske jetse, qalǵanynda qarsylastarǵa ese jiberdi.

Aıta ketsek, budan buryn qazaqstandyq hokkeıshiler Frantsııany 3:1 esebimen jeńse, Slovakııaǵa 2:6, Latvııaǵa 0:2, Shvetsııaǵa 1:3, Germanııaǵa 2:8, AQSh-qa 1:10 esebimen ese jiberdi.