Álem chempıonaty: Qazaqstan hokkeı quramasy búgin Norvegııamen oınaıdy

ASTANA. KAZINFORM — Shaıbaly hokkeıden Qazaqstan quramasy 2025 jylǵy álem chempıonaty elıtalyq dıvızıonyndaǵy alǵashqy oıynyn búgin Norvegııa quramasyna qarsy ótkizedi.

Eki qurama qazirge deıin bes márte kezdesti. Onyń ekeýinde qazaqstandyq hokkeıshiler jeńiske jetse, qalǵanynda qarsylasyna ese jiberdi.

Kezdesý qazaqstandyq ýaqytpen 15:15–te bastalyp, «Qazsport» telearnasynan tikeleı efırde kórsetiledi.

El quramasy dúbirli dodaǵa bıyl 13 márte qatysyp otyr. Ázirge eń joǵary kórsetkishi — 2021 jylǵy onynshy oryn.

Álem chempıonatynda Qazaqstan quramasy V tobynda oınaıdy.
Qarsylastary — Fınlıandııa, Chehııa, AQSh, Germanııa, Danııa, Norvegııa jáne Majarstan. Oıyndar Danııanyń Hernıng qalasynda bolady.

Bapkerler shtaby aldaǵy týrnırge qatysatyn oıynshylar tizimin jarııalady. Qorytyndy tizimge 25 hokkeıshi endi.

Qaqpashylar: Jelal-ad-Dın Ámirbekov («Magnıtka», Magnıtogorsk, Reseı), Sergeı Kýdrıavtsev («Arlan»), Maksım Pavlenko («Rıazan-VDV», Rıazan, Reseı).

Qorǵaýshylar: Ádil Beketaev, Samat Danııar, Tamerlan Gaıtamırov, Artem Korolev (barlyǵy — «Barys»), Dmıtrıı Breýs («Torpedo», Nıjnıı Novgorod, Reseı), Leonıd Metalnıkov («Admıral», Vladıvostok, Reseı), Edýard Mıhaılov («Arlan»), Valerıı Orehov («Metallýrg», Magnıtogorsk, Reseı).

Shabýylshylar: Álıhan Ásetov, Dinmuhamed Qaıyrjan, Batyrlan Muratov, Maksım Muhametov, Álıhan Ómirbekov, Kırıll Panıýkov, Kırıll Savıtskıı, Roman Starchenko (barlyǵy — «Barys»), Vladımır Volkov («Arlan»), Vıacheslav Kolesnıkov («Nomad»), Artem Lıhotnıkov («Hýmo», Ózbekstan), Nıkıta Mıhaılıs («Metallýrg», Magnıtogorsk, Reseı), Evgenıı Rymarev («ıÝnıson», Máskeý, Reseı), Arkadıı Shestakov («Admıral», Vladıvostok, Reseı).

Oıyn kestesi tómendegishe:

10 mamyr. 15:20. Norvegııa — Qazaqstan
11 mamyr. 19:20. Germanııa — Qazaqstan
13 mamyr. 23:20. Qazaqstan — Majarstan
14 mamyr. 23:20. Qazaqstan — Danııa
17 mamyr. 19:20. Chehııa — Qazaqstan
18 mamyr. 19:20. Qazaqstan — AQSh
20 mamyr. 15:20. Shveıtsarııa — Qazaqstan

Shaıbaly hokkeıden Qazaqstan ulttyq quramasy álem chempıonatyna daıyndyǵy aıasynda 1-3 mamyr aralyǵynda Astanada ótken halyqaralyq Qazaqstan Hockey Open týrnırinde Reseı 25 quramasyna 1:4, Belarýsten 0:2 esebimen jeńildi.

Sondaı-aq odan keıin Shvetsııaǵa attanyp, onda Slovenııaǵa joldastyq kezdesýde 2:3 esebimen jol berip qoıdy.