Álem chempıonaty: Qazaqstan hokkeı quramasy búgin AQSh-pen oınaıdy
ASTANA. KAZINFORM - Shaıbaly hokkeıden Qazaqstan quramasy 2025 jylǵy álem chempıonaty elıtalyq dıvızıonyndaǵy altynshy oıynyn búgin AQSh-qa qarsy ótkizedi.
Kezdesý Qazaqstan ýaqytymen saǵat 19:20-da bastalyp, «Qazsport» telearnasynan tikeleı efırde kórsetiledi.
Álem chempıonatynda Qazaqstan quramasy V tobynda oınap jatyr. Qarsylastary - Fınlıandııa, Chehııa, AQSh, Germanııa, Danııa, Norvegııa jáne Majarstan. Oıyndar Danııanyń Hernıng qalasynda bolady.
Eki qurama buǵan deıin alty márte sheberlik baıqasty. Onyń barlyǵynda qazaqstandyq hokkeıshiler qarsylasyna ese jiberdi.
Qazirge deıin Qazaqstan quramasy Norvegııany (2:1) jeńip, Germanııa (1:4), Majarstan (2:4), Danııa (1:5), Chehııaǵa (1:8) ese jiberdi.
Al AQSh Danııany (5:0), Majarstandy (6:0), Norvegııany (6:5), Germanııany (6:3) quramalaryn qapy qaldyrsa, Shveıtsarııadan (0:3) jeńilip qaldy.
AQSh quramasynyń hokkeıshileri
Qaqpashylar: Djeremı Sveıman («Boston Brıýınz»), Hempton Slýkınskı (Batys Mıchıgan ýnıverstıteti), Djoýı Dakkord («Sıetl Kraken»);
Qorǵaýshylar: Zak Verenskı («Kolambýs Blıý Djekets»), Zıv Býıým («Mınnesota Ýaıld»), Aleks Vlasık («Chıkago Blekhoýks»), Bredı Sheı («Neshvıll Predatorz»), Endrıý Pık, Meıson Loreı (ekeýi - «Boston Brıýınz»), Djekson LaKombe («Anahaım Daks»), Maıkl Kesselrıng («ıÝta»), Koýl Hatson (NCAA, Boston ýnıversıteti);
Shabýylshylar: Teıdj Tompson («Baffalo Seıbrz»), Sheın Pınto («Ottava Senatorz»), Drıý O’Konnor («Vankýver Kenaks»), Frenk Nazar («Chıkago Blekhoýks»), Maıkl Makkerron («Neshvıll Predatorz»), Kleıton Keller («ıÝta»), Katter Gote («Anahaım Daks»), Konor Garland («Vankýver Kenaks»), Logan Kýlı («ıÝta»), Mettı Benırs, Maıkı Eıssımont (ekeýi - «Sıetl Kraken»), Ýıll Smıt («San‑Hose Sharks»), Djosh Doan («ıÝta»), Brett Berard («Nıý‑Iork Reındjers») jáne Aızek Hovard (NCAA, «Mıchıgan Steıt»).
Sondaı-aq búgin V tobynda 23:20-da Vengrııa men Shveıtsarııa oınaıdy.
Al A tobynda 19:20-da Slovenııa men Avstrııa, 23:20-da Slovakııa men Latvııa kezdesedi.