Álem chempıonaty: Qazaqstan hokkeı quramasy búgin AQSh-pen kezdesedi

ASTANA. KAZINFORM - Búgin, 19 mamyrda shaıbaly hokkeıden álem chempıonaty elıtalyq dıvızıonynda Qazaqstan quramasy úshinshi kezdesýinde AQSh-qa qarsy oınaıdy.

Álem chempıonatynda qazaqstandyq hokkeıshiler V tobynda Frantsııa, Slovakııa, Latvııa, Shvetsııa, Germanııa, AQSh jáne Polshamen synǵa túsip jatyr.

Dúbirli doda 10-26 mamyr aralyǵynda Chehııanyń Praga jáne Ostrava qalalarynda ótip jatyr.

Qazaqstan men AQSh kezdesýi saǵat 19.20-de bastalyp, «Qazsport» telearnasynan tikeleı efırde kórsetiledi.

Eki qurama buǵan deıin 6 márte kezdesti. Onyń barlyǵynda qazaqstandyq hokkeıshiler qarsylasyna ese jiberdi.

Odan keıin el quramasy 20 mamyrda Polsha hokkeıshilerimen sheberlik baıqasady.

Aıta ketsek, budan buryn qazaqstandyq hokkeıshiler Frantsııany 3:1 esebimen jeńse, Slovakııaǵa 2:6, Latvııaǵa 0:2, Shvetsııaǵa 1:3, Germanııaǵa 2:8 esebimen ese jiberdi.