Álem chempıonaty: Qazaqstan hokkeı quramasy birinshi dıvızıonǵa túsip qaldy

ASTANA. KAZINFORM — Shaıbaly hokkeıden Qazaqstan quramasy 2025 jylǵy álem chempıonaty elıtalyq dıvızıonyndaǵy altynshy oıynyn búgin AQSh-qa qarsy ótkizedi.

Álem chempıonatynda Qazaqstan quramasy V tobynda oınap jatyr. Qarsylastary — Fınlıandııa, Chehııa, AQSh, Germanııa, Danııa, Norvegııa jáne Majarstan. Oıyndar Danııanyń Hernıng qalasynda bolady.

El quramasy bıylǵy álem birinshiligin sátsiz ótkizdi. Qazirge deıin alty kezdesýdiń ireýinde basym tússe, beseýinde qarsylasyna ese jiberip qoıdy.

Aldymen Norvegııany (2:1) jeńip, Germanııa (1:4), Majarstan (2:4), Danııa (1:5), Chehııaǵa (1:8) ese jiberdi.

Sondyqtan búgingi kezdesýde Qazaqstan quramasy úshin qarsylasyn jeńý nemese negizgi kezeńde utylmaýy qajet edi. Oıyn otandastarymyz úshin sátti bastaldy. Qazaqstandyq hokkeıshi Arkadıı Shestakov 15-mınýtta esep ashty. Odan keıin shveıtsarııalyq qurama tarazy basyn teńestirýge umtyldy. Soǵan qaramastan birinshi kezeńde tablodaǵy esepke ózgeris engen joq.
Ekinshi kezeńde olardyń qatarynan Kevın Fıala 39-mınýtta mergendik tanytsa, 47-mınýtta Sven Andrıgetto Shveıtsarııa quramasyn alǵa shyǵardy.

Al olardyń qatarynan Andres Ambıýl 57, Damen Rıa 58-mınýtta taǵy eki gol soǵyp ketti.
Osyllaısha Qazaqstan quramasy qarsylasyna 1:4 esebimen ese jiberip, sońǵy bes jylda alǵash ret birinshi dıvızıonǵa túsip qaldy.

El quramasy dúbirli dodaǵa bıyl 13 márte qatysyp otyr. Ázirge eń joǵary kórsetkishi — 2021 jylǵy onynshy oryn.

Endi V tobynda 19:20–da Chehııa men AQSh, 23:20–da Germanııa men Danııa oınaıdy.

Al A tobynda 19:20–da Slovakııa men Fınlıandııa, 23:20–da Shvetsııa men Kanada kezdesedi.
Álem chempıonaty 1920 jyldan beri turaqty túrde ótkizilip keledi.

Qazirge deıin Kanada — 28 Reseı (KSRO) — 27, Chehııa (Chehoslovakııa)- 13, Shvetsııa — 11, Fınlıandııa — 4, AQSh — 2, Ulybrıtanııa men Slovakııa -1 márte chempıondyq tuǵyrǵa kóterildi.