Álem chempıonaty: Qazaqstan gandbol quramasy Kongo Respýblıkasynan jeńildi

Búgin gandboldan áıelder arasyndaǵy álem chempıonatynda Qazaqstan quramasy Kongo Respýblıkasyna ese jiberdi, dep habarlaıdy Kazınform.

Qazaqstandyq gandbolshylar jarystyń alǵashqy satysynda G tobynda synǵa túsip, Ispanııadan 17:34, Brazılııadan 16:46, Ýkraınadan 24:37 esebimen jeńilip qaldy.

Álem chempıonatynyń alǵashqy satysynda árbir topta tórtinshi oryndy mise tutqan quramalar endi Prezıdent kýbogynda eki topqa bólindi.

Jarystyń atalǵan satysynda ekinshi toptaǵy alǵashqy oıynda qazaqstandyq gandbolshylar Kongo Respýblıkasyna 36:37 esebimen ese jiberdi.

Oıyn barysynda negizinen qazaqstandyq qurama alda turǵan edi. Oıyn sońyna qaraı Afrıka qurlyǵynan kelgen gandbolshylar jınaqy qımyldap jeńiske qol jetkizdi.

Endi el quramasy 9 jeltoqsanda Chılı, 11 jeltoqsanda Iranmen sheberlik baıqasady.

Álem chempıonaty 17 jeltoqsanda máresine jetedi.

Qazaqstandyq gandbolshylar álem chempıonatyna jetinshi márte qatysyp otyr. Ázirge eń joǵary kórsetkishi – 2007 jylǵy 18-oryn.