Álem chempıonaty: Qazaqstan dzıýdo quramasy jartylaı fınalǵa shyqty

ASTANA. KAZINFORM - Astanada ótip jatqan para dzıýdodan álem chempıonatynda komandalyq jarysta qazaqstandyq balýandar Mońǵolııadan basym tústi.

IBSA Judo World Championships Astana básekesiniń sheshýshi kúni el quramasy qarsylasyn 4:1 esebimen jeńdi.

Nátıjesinde jartylaı fınalǵa joldama aldy.

Smaǵululy - Enkhtýıa - 1:0

Ótepov - Dashtseren - 0:10

Uldanov - ıAdamsýren - ıppon

Shameı - Galbadrah - ıppon

Ajǵalıev - Lhagvadorj - ıppon.

Aıta ketsek, 13-14 mamyr kúnderi álem chempıonatynda jekeleı syndaǵy beldesýler aıaqtaldy.

Jahandyq dodada 10 salmaqta júlde jıyntyǵy sarapqa salyndy. Erler 70, 81, 95, 95 keliden joǵary salmaqta beldesse, áıelder 52, 60, 70, 70 keliden joǵary salmaqta júldege talasty.

Sondaı-aq, Halyqaralyq dzıýdo federatsııasy tájirıbe retinde Olımpıada salmaǵyna kirmeıtin 2 salmaqta (erlerde 64, áıelderde 46 keli) júlde sarapqa salyndy.

Álem chempıonatynda eki kúnniń qorytyndysy boıynsha el quramasy jekeleı synda 2 altyn, 2 kúmis jáne 5 qola júlde enshiledi.

J2 sanatynan Beksultan Qulmyrza (81 keli) men Jurqamyrza Shúkirbekov (95 keliden joǵary) altyn alsa, Ǵalymjan Smaǵululy (81 keli) men J2 sanatynda Aıala Mereke (70 keli) kúmis júldege qol jetkizdi.

J1 sanaty boıynsha Erǵalı Shameı (81 keli), Aınaz Quralova (46 keli), Baǵlanbek Ońalbek (95 keliden joǵary), Erlan Ótepov (95 keliden joǵary), J2 sanatynda Daıana Fedosova (60 keli) qola júldeger boldy.