Álem chempıonaty: Qazaqstan áıelder quramasy alǵashqy jeńisine qol jetkizdi
ASTANA. KAZINFORM — Búgin shaıbaly hokkeıden Qazaqstan áıelder quramasy álem chempıonaty IIA dıvızıonynda alǵashqy oıynyn Ońtústik Koreıaǵa qarsy ótkizdi.
Kezdesý barysynda koreıalyq hokkeıshiler birinshi bolyp esep ashty. Odan keıin qazaqstandyq ıÝlııa Býtorına 14-mınýtta tarazy basyn teńestirdi.
Al 33-mınýtta Mýnıra Saıahatqyzy Qazaqstan quramasyn alǵa shyǵarsa, 41-mınýtta koreılik hokkeıshiler mergendik tanytty.
Oıynnyń 42-mınýtynda qazaqstandyq Nadejda Fılımonova basymdyqty arttyrsa, Anna Pıatkova 49-mınýtta qorytyndy esepti belgiledi.
Osylaısha el quramasy qarsylasynan 4:2 esebimen basym túsip, alǵashqy jeńisine qol jetkizdi.
El quramasy IA dıvızıonyna joldama alý úshin Ońtústik Koreıa, Italııa, Ulybrıtanııa, Latvııa jáne Slovenııamen sheberlik baıqasady.
Endi qazaqstandyq hokkeıshiler aldaǵy oıynyn 10 sáýirde 17:00–de Italııa quramasyna qarsy ótkizedi. Odan keıin 12 sáýirde Ulybrıtanııamen oınaıdy Odan keıin 13 sáýirde Latvııa, 15 sáýirde Slovenııamen muzaıdynǵa shyǵady.
Oıyndar Ulybrıtanııanyń Damfrıs qalasynda ótip jatyr.