Álem chempıonaty: Karına Ibragımova shırek fınalǵa shyqty

ASTANA. KAZINFORM - Anglııanyń Lıverpýl qalasynda World Boxing aıasynda ótip jatqan álem chempıonatynda búgin, 7 qyrkúıekte el quramasynan Karına Ibragımova (57 keli) jarysty jalǵastyrýǵa múmkindik aldy.

Qazaqstandyq boksshy anglııalyq Elıs Glınmen qolǵap túıistirdi. Jekpe-jek barysynda qarsylasyn senimdi túrde jeńdi. Onyń endigi qarsylasy - polshalyq ıÝlıa Sheremeta.

El quramasynan búgin Mahmud Sabyrhan (55 keli), Nurbek Oralbaı (80 keli) jarysty jalǵastyrýǵa múmkindik aldy.

Sondaı-aq endi el quramasynan Natalıa Bogdanova (70 keli), Ertýǵan Zeınýlınov (65 keli) alǵashqy jekpe-jegin ótkizedi.

Dúbirli doda 4-14 qyrkúıek aralyǵynda ótkiziledi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde saıysqa túsedi. Al 12-13 qyrkúıekte jartylaı bolsa, 13-14 qyrkúıekte fınaldyq básekeler ótedi.