Álem chempıonaty: Kanada hokkeı quramasy Danııadan jeńilip, jarysty aıaqtady

ASTANA. KAZINFORM - Kanada quramasy shaıbaly hokkeıden 2025 jylǵy álem chempıonaty elıtalyq dıvızıonynda jarysty shırek fınalda aıaqtady.

Әлем чемпионаты: Канада хоккей құрамасы Даниядан жеңіліп, жарысты аяқтады
Фото: championat.com

Kanadalyq hokkeıshiler shırek fınalda Danııamen jup quraǵan edi. Jankúıerler olardy jartylaı fınalǵa eshbir qıyndyqsyz joldama alady dep oılaǵan edi. Degenmen oıyn barysynda danııalyq hokkeıshiler jınaqy qımyl kórsetti. Nátıjesinde qarsylasyn 2:1 esebimen qapy qaldyryp, jarysty jalǵastyrýǵa múmkindik aldy. 

Oıyn barysynda kanadalyq Trevıs Sanhaım 45-mınýtta esep ashsa, odan keıin danııalyq Nıkolaı Elers 57-mınýtta mınýtta tarazy basyn teńestirdi.

Al Nık Olesenniń 59-mınýtta soqqan goly Danııaǵa jeńis alyp keldi.

Taǵy bir kezdesýde Shvetsııa quramasy Chehııany 5:2 esebimen súrindirdi. 

Kezdesýde shvetsııalyq Leo Karlsson 12, 34, Lýkas Reımond 16, 19, Fılıp Forsberg 55-mınýtta mergendik tanytsa, oǵan chehııalyq Roman Chervenka 23, Mıhael Shpachek 48-mınýtta eki golmen jaýap qaıyrdy.

Endi 24 mamyrda jartylaı fınalda AQSh pen Shvetsııa, Shveıtsarııa men Danııa kezdesedi.

Eske salsaq, budan buryn Shveıtsarııa quramasy shırek fınalda Aýstrııany 6:0 esebimen jeńse, AQSh quramasy Fınlıandııany 5:2 esebimen tize búktirdi.

El quramasy bıylǵy álem birinshiligin sátsiz ótkizdi. Barlyǵy kezdesýdiń bireýinde basym tússe, beseýinde qarsylasyna ese jiberdi.

Aldymen Norvegııany (2:1) jeńip, Germanııa (1:4), Majarstan (2:4), Danııa (1:5), Chehııaǵa (1:8), AQSh-qa (1:6), Shveıtsarııaǵa (1:4) ese jiberdi.

Saldarynan qazaqstandyq hokkeıshiler birinshi dıvızıonǵa túsip qaldy.

Сейчас читают