Álem chempıonaty: Hokkeıden Qazaqstan jasóspirimder quramasy Slovenııadan jeńildi

ASTANA. KAZINFORM — Shaıbaly hokkeıden Qazaqstan 18 jasqa deıingi jasóspirimder quramasy álem chempıonatyndaǵy alǵashqy oıynyn Slovenııaǵa qarsy ótkizdi.

Eki qurama qazirge deıin eki márte kezdesken edi. Ekeýinde de qazaqstandyq hokkeıshiler jeńiske jetken bolatyn. Sondyqtan búgingi oıynda olar eshbir qıyndyqsyz úsh upaı alady degen oıda boldy.

Kezdesý barysynda qazaqstandyq Aıtýar Nurjanov 6-mınýtta esep ashty. Odan keıin bizdiń qurama óz qaqpasyna qatarynan eki shaıba jiberip aldy. 

Úshinshi keezńde qazaqstandyq Beksultan Maqysh 41-mınýtta mergendik tanytyp, tarazy basyn teńestirip ketti.

Negizgi kezeń 2:2 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Býllıtten Slovenııa basymdyq tanytty.

Qazaqstandyq hokkeıshiler birinshi dıvızıonynyń A tobynda synǵa túsedi. Qarsylastary — Danııa, Vengrııa, Slovenııa, Avstrııa jáne Ýkraına.

Endi el quramasy 21 sáýirde Vengrııa, 23 sáýirde Danııa, 24 sáýirde Avstrııa, 26 sáýirde Ýkraınamen kezdesedi.

Eske salsaq, budan buryn shaıbaly hokkeıden Qazaqstan jasóspirimder quramasy Avstrııadan jeńilip qaldy.