Álem chempıonaty: Hokkeıden Qazaqstan jasóspirimder quramasy Danııaǵa ese jiberdi

ASTANA. KAZINFORM — Shaıbaly hokkeıden Qazaqstan 18 jasqa deıingi jasóspirimder quramasy búgin álem chempıonatyndaǵy úshinshi oıynyn Danııaǵa qarsy ótkizdi. 

Kezdesý barysynda danııalyq hokkeıshiler alǵashqy bolyp esep ashty. Olardyń qatarynan Laınýs Roých esep ashsa, kóp uzamaı qazaqstandyq Arıstarh Kıreev tarazy basyn teńestirdi.

Al Olıver Larsen qaıtadan Danııany alǵa shyǵarsa, qazaqstandyq Álisher Sarkenovtyń golynan keıin qaıtadan tarazy basy teńesti.

Úshinshi kezeńde Danııa quramasy sapynan Olıver Larsen taǵy bir márte mergendigimen kózge tússe, Ýılıam Býndgard eki shaıba soǵyp ketti.

Osylaısha qazaqstandyq hokkeıshiler qarsylasynan 2:5 esebimen jeńilip qaldy. 

Qazaqstan — Danııa 2:5 (0; 0, 2:2, 0:3)
0:1 — 00:36 — Roých. L (Grın O, ıAkobsen E)
1:1 — 02:28 — Kıreev A. (Sarkenov. A, Baqyt A)
1:2 — 08:08 — Larsen O (Rort L, Faber N)
2:2 — 32:21 — Sarkenov.A (Makysh B, Nurjanov A.)
2:3 — 43:16 — Larsen O (Rort L)
2:4 — 49:46 — Býndgard Ý (Klıvoe M, Grossman A.)
2:4 — 59:00 — Býndgard Ý (Rort L)
Qaqpashylar: Alpysbaev — Ýaıld A

Otandastarymyz birinshi dıvızıonnyń A tobynda synǵa túsip jatyr. Qarsylastary — Danııa, Majarstan, Slovenııa, Avstrııa jáne Ýkraına.

Qazirge deıin qazaqstandyq hokkeıshiler Slovenııaǵa býllıtten 2:3 esebimen ese jiberse, odan keıin Majarstandy 4:0 esebimen tize búktirdi. Týrnır kestesinde tórt upaımen ekinshi orynǵa taban tiredi.

Sondaı-aq 23 sáýirde atalǵan topta Ýkraına Aýstrııadan 6:3, Slovenııa Majarstannan 2:0 esebimen basym tústi.

Endi el quramasy 24 sáýirde Avstrııa, 26 sáýirde Ýkraınamen kezdesedi.