Álem chempıonaty: Hokkeıden Qazaqstan jasóspirimder quramasy alǵashqy jeńisine jetti

ASTANA. KAZINFORM — Shaıbaly hokkeıden Qazaqstan 18 jasqa deıingi jasóspirimder quramasy álem chempıonatyndaǵy ekinshi oıynyn Majarstanǵa qarsy ótkizdi.

Kezdesý barysynda qazaqstandyq hokkeıshiler sátti oıyn kórsetti. Birinshi kezeńde araǵa úsh mınýt salyp Aleksandr Sımahın men Danııl Medvedev eki márte mergendik tanytty.

Ekinshi kezeńde Egor Kravchenko men Tımýr Mındýbaev basymdyqty arttyra tústi. Úshinshi kezede qarsylastar bir-biriniń qaqpasynan sańylaý taba alǵan joq.

Osylaısha Qazaqstan jasóspirimder quramasy álem chempıonatyndaǵy alǵashqy jeńisine qol jetkizdi.

Kezdesýdiń úzdik oıynshysy retinde Aleksandr Sımahın tanyldy.

Qazaqstan - Majarstan 4:0 (2;0, 2:0, 0:0)

1:0 - 12:14 - Sımahın (Evplov, Ýmerenkov)

2:0 - 15:18 - Medvedev (Sımahın, Evplov)

3:0 - 22:29 - Kravchenko (Dronov, Tolen)

4:0 - 32:21 - Mındýbaev (Týsýpbekov, Bakyt)

Qaqpashylar: Alpysbaev - Gıýlaı

Qazaqstandyq hokkeıshiler birinshi dıvızıonynyń A tobynda synǵa túsedi. Qarsylastary — Danııa, Majarstan, Slovenııa, Avstrııa jáne Ýkraına.

Endi el quramasy 23 sáýirde Danııa, 24 sáýirde Avstrııa, 26 sáýirde Ýkraınamen kezdesedi.

Eske salsaq, budan buryn qazaqstandyq hokkeıshiler býllıtten Slovenııaǵa jol berdi.