Álem chempıonaty: Hokkeıden Qazaqstan áıelder quramasy Slovenııany jeńdi

ASTANA. KAZINFORM - Búgin shaıbaly hokkeıden Qazaqstan áıelder quramasy álem chempıonaty IIA dıvızıonynda besinshi oıynyn Slovenııaǵa qarsy ótkizdi.

Kezdesý barysynda qazaqstandyq hokkeıshiler basymdy tanytty. Degenmen birinshi kezeńde qarsylas qaqpasyna nebári bir ǵana shaıba engizdi. Ony Ekaterına Kýtsenko 12-mınýtta óziniń enshisine jazdy.

Ekinshi kezeńde qazaqstandyq hokkeıshiler qatarynan bes shaıba soqty. El quramasynan Darııa Moldabaı 25, 36, Anna Pıatkova 33, Pernesh Áshimova 35, Aleksandra Voronova 37-mınýtta mergendik tanytty.

Al úshinshi kezeńde qazaqstandyq Anastasııa Orazbaeva 44, Tatıana Koroleva 48-mınýtta gol soqsa, Ekaterına Kýtsenko 59-mınýtta taǵy bir márte kózge tústi.

Osylaısha qazaqstandyq hokkeıshiler qarsylasyn 9:1 esebimen jeńip, atalǵan týrnırdi tórtinshi orynmen aıaqtady.

El quramasy budan buryn Ońtústik Koreıany 4:2 esebimen tize búktirip, Italııa men Ulybrıtanııadan 0:2, Latvııadan 3:7 esebimen ese jiberdi.

Qazaqstandyq hokkeıshiler álem chempıonaty IA dıvızıonynda 2005, 2007, 2009, 2024 jyldarda baq synaǵan edi.