Álem chempıonaty: Hokkeıden Qazaqstan áıelder quramasy búgin Ulybrıtanııaıamen kezdesedi
ASTANA. KAZINFORM - Búgin shaıbaly hokkeıden Qazaqstan áıelder quramasy álem chempıonaty IIA dıvızıonynda ekinshi oıynyn Ulybrıtanııaǵa qarsy ótkizedi.
Kezdesý Qazaqstan ýaqytymen 00:00-de bastalady.
Eki qurama qazirge deıin alty márte sheberlik baıqasty. Onyń tórteýinde qazaqstandyq hokkeıshiler jeńiske jetse, qalǵanynda qarsylasyna ese jiberdi.
Sońǵy eki oıynda ulybrıtanııalyqtar basym tústi.
El quramasy álem chempıonatyna daıyndyq aıasynda ótken joldastyq kezdesýde Ulybrıtanııadan 1:3 esebimen jeńilip qalǵan edi.
Alǵashqy eki týrdan keıin Italııa men Latvııa alty upaımen kósh basyna shyqsa, Qazaqstan úsh upaımen úzdik úshtikti túıindep tur. Odan keıingi oryndardaǵy Ońtústik Koreıanyń - 2, Ulybrıtanııanyń -1, Slovenııanyń - 0 upaıy bar.
Qazaqstan hokkeıshileri budan keıin 13 sáýirde Latvııa, 15 sáýirde Slovenııamen muzaıdynǵa shyǵady.
El quramasy álem chempıonaty IA dıvızıonynda 2005, 2007, 2009, 2024 jyldarda baq synaǵan edi.
Eske salsaq, el quramasy budan buryn Ońtústik Koreıany 4:2 esebimen tize búktirip, Italııaǵa 0:2 esebimen ese jiberdi.