Álem chempıonaty: Fýtboldan Qazaqstan quramasy daıyndyǵyn tolyq quramda bastady
ASTANA. KAZINFORM - Fýtboldan Qazaqstan quramasy 2026 jylǵy álem chempıonaty irikteý kezeńindegi aldaǵy eki oıynyna tolyq quramda daıyndyqqa kiristi.
Bul jóninde Qazaqstan fýtbol federatsııasy málim etti.
El quramasy J tobynda synǵa túsip jatyr. Qarsylastary - Belgııa, Ýels, Soltústik Makedonııa jáne Lıhtenshteın.
Qazirge deıin qazaqstandyq fýtbolshylar Ýels (1:3) pen Soltústik Makedonııa (0:1) quramalarynan jeńilip, Lıhtenshteınnen (2:0) basym tústi.
Endi qyrkúıekte álem chempıonaty irikteý kezeńinde eki oıyn ótkizedi. 4 qyrkúıekte Astanada Ýels quramasyn qabyldasa, 7 qyrkúıekte syrt alańda Belgııamen kezdesedi. Eki oıyn da 2026 jylǵy álem chempıonatynyń irikteý kezeńi aıasynda ótedi.
Ulttyq quramanyń oqý-jattyǵý jıyny 29 tamyzda Astanda bastaldy.
Oǵan aldymen qazaqstandyq fýtbolshylar keldi. Odan keıin Reseıdiń «Zenıt» klýbynyń qorǵaýshysy Nuraly Álip pen «Ahmat» klýbynyń shabýylshysy Maksım Samorodov kelip qosyldy.
Sondaı-aq Chempıondar lıgasy negizgi kezeńine joldama alǵan almatylyq «Qaırat» komandasynyń Qazaqstan Premer-lıgasy 22-týrdaǵy «Oqjetpespen» oıynnan keıin Dastan Sátpaev, Damır Qasabolat, Temirlan Anarbekov ulttyq qurama sapyn tolyqtyrdy.
Al Baqtıer Zaınýtdınovtiń aldaǵy eki oıynyna qatysa almaıtyny belgili boldy.
Qaqpashylar: Muhammedjan Seısen («Astana»), Temirlan Anarbekov («Qaırat»), Bekhan Shaızada («Ordabasy»);
Qorǵaýshylar: Álibek Qasym, («Aqtóbe»), ıAn Vorogovskıı («Astana»), Nuraly Álip («Zenıt», Reseı), Naýryzbek Jagorov («Tobyl»), Erkin Tapalov («Qaırat»), Sergeı Malyı, Ular Jaksybaev, Sultanbek Astanov (bári – «Ordabasy»);
Jartylaı qorǵaýshylar: Islam Chesnokov («Tobyl»), Ramazan Orazov, Almas Tólibaı, Ǵalymjan Kenjebek (bári – «Elimaı»), Dáýren Jumat, Serikjan Mýjıkov (ekeýi de – «Oqjetpes»), Dinmuhamed Qaraman («Jeńis»), Baǵdat Qaıyrov («Aqtóbe»), Damır Qasabýlat («Qaırat»);
Shabýylshylar: Oralhan Ómirtaev («Aqtóbe»), Maksım Samorodov («Ahmat», Reseı), Dastan Satpaev («Qaırat»), Ivan Svırıdov («Elimaı»).