Álem chempıonaty: Fınlıandııa hokkeı quramasy Frantsııany overtaımda jeńdi

ASTANA. KAZINFORM - Shaıbaly hokkeıden 2025 jylǵy álem chempıonaty elıtalyq dıvızıonynda 11 mamyrdaǵy sońǵy eki oıynnyń nátıjesi belgili boldy.

V tobynda alǵashqy týrda Qazaqstan quramasynan jeńilip qalǵan (1:2) Norvegııa bul joly Chehııamen sheberlik baıqasty. Chehııalyq hokkeıshiler oıyn tizginin qolǵa ustaýǵa tyrysty. Dese de oǵan qarsylasy múmkindik bere qoıǵan joq. Nátıjesinde birinshi kezeńde esep ózgergen joq.

Ekinshi kezeńde chehııalyq ıAkýb Flek 22-mınýtta esep ashsa, oǵan 28-mınýtta norvegııalyq Stıan Solberg bir golmen jaýap qaıyrdy.

Oıynnyń 33-mınýtynda Davıd Pastrnıaktyń goly Chehııaǵa jeńis alyp keldi.

Osylaısha Chehııa qarsylasynan 2:1 esebimen basym tústi.

Sondaı-aq taǵy bir kezdesýde A tobynda Fınlıandııa quramasy Frantsııany overtaımda 4:3 esebimen jeńdi.

Kezdesý barysynda negizgi kezeńde Fınlıandııa sapynan Teývo Terıavıaınen 37, Eelı Tolvanen 58, 59, ıÝýso Pıarssınen 61, Frantsııadan Kevın Bozon 28, Tım Bozon 50, Jordann Perre 57-mınýtta mergendik tanytty.

Endi 12 mamyrda A tobynda Avstrııa men Slovakııa, Fınlıandııa men Shvetsııa, V tobynda AQSh pen Shveıtsarııa, Chehııa men Danııa sheberlik baıqasady.

Eske salsaq, álem chempıonatynda Qazaqstan quramasy eki oıynnan keıin úsh upaımen besinshi orynda keledi.