Álem chempıonaty: Erasyl Jaqpekov jarys jolynan shyǵyp qaldy

ASTANA. KAZINFORM - Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda 8 jeltoqsanda el quramasynan Erasyl Jaqpekov (80 keli) jarys jolynan shyǵyp qaldy.

Qazaqstandyq boksshy bul joly reseılik Djambýlat Bıjamovpen qolǵap túıistirdi. Úshinshi raýndta ol qarsylasyn nokdaýnǵa túsirdi. Soǵan qaramastan tóreshiler reseılik sportshynyń jeńiske jetkenin jarııalady. Osylaısha otandasymyz jarys jolynan shyǵyp qaldy.

Aıta ketsek, búgin el quramasynan Sanatáli Tóltaev (67 keli) brazılııalyq Kasıo Santos Olıverany qapy qaldyrdy. Endi el quramasynan kúndizgi sessııada Nýrmagamed ıÝsýpov (

92 keli) ıspanııalyq Enmanýel Reıes, Nurlan Saparbaı (92 keliden joǵary) beıratap eldiń ókili Iman Ramızanpýrdelvarmen sharshy alańǵa shyǵady.

Al keshki sessııada Temirtas Júsipov (48 keli) úndistandyq Devendra Sıngh Salandı Sabyrjan Aqqalyqov (75 keli) Dańa Zelandııa ókili Taýhırımatı Toherırı-Hallıt), Serik Temirjanov (60 keli) zambııalyq Endrıý Chılatamen kezdesedi.

ІBA týrnıri 3-13 jeltoqsan aralyǵynda Dýbaıda uıymdastyrylady. Bul básekede 13 salmaq dárejesi belgilengen,. Júlde qory óte joǵary: chempıondar — 300 myń dollar, kúmis júldegerler — 150 myń dollar, qola júldegerler — 75 myń dollar, al shırek fınalıster 10 myń dollar alady.

Bıyl dúbirli dodaǵa jer-jahannyń 95 elinen bylǵary qolǵap sheberleri keldi.