Álem chempıonaty: Dzıýdodan eki balýan qola júldeger atandy

Portýgalııada ótip jatqan dzıýdodan álem chempıonatynda qazaqstandyq eki balýan qola júldeger atandy, dep habarlaıdy QazAqparat tilshisi. 

El quramasynan Talǵat Orynbasar (60 keli) qola aldy. Ol 3-oryn úshin saıysta grýzııalyq Kako Chapýrıshvılıden basym tústi.

Sondaı-aq Janarys Rahmetqalı (66 keli) estonııalyq Vıljar Lıpardty jeńip, úshinshi oryn aldy.

Álem chempıonaty Portýgalııanyń Koımbra qalasynda 4-8 qazan aralyǵynda ótkiziledi.

Eske salsaq, budan buryn Azııa oıyndarynda qazaqstandyq Meıirjan Shermahanbet grek-rım kúresinen kúmis júldege ıe boldy.

Qazaqstandyq balýan 67 kelige deıingi salmaqta fınalda japonııalyq Katsýakı Endomen kilemge shyqty.