Álem chempıonaty: Dosjan Ótepqalıev shırek fınalǵa shyqty

ASTANA. KAZINFORM – Tıranada (Albanııa) 23 jasqa deıingi balýandar arasyndaǵy ótip jatqan álem chempıonatynda qazaqstandyq balýan Dosjan Ótepqalıev shırek fınalǵa shyqty.

60 keli salmaq dárejesinde el namysyn qorǵap jatqan otandasymyz kezekti jeńisine qol jetkizip, álem chempıonatynyń shırek fınalyna joldama aldy.

Ókinishke qaraı, Ótepqalıevten basqa 4 sportshymyz 1/8 kezeńde súrindi.

Naqtyraq aıtsaq, Beıbit Qorǵanov (97 kg) armenııalyq Haık Hloıanǵa, al Din-Muhamed Qoshqar (67 kg) asa tartysty beldesýde Danıal Agaevqa ese jiberdi. 

Sonymen qatar osyǵan deıin 82 kelige deıingi salmaqta synǵa túsken otandasymyz Almır Tólebaev irikteýde qarsylasy Kýn Shangtan (Qytaı), Mereı Máýletqanov (72 kg) Qyrǵyzstan ókili Ádilhan Nurlanbekovten jeńildi.

Dese de barlyq sportshymyzdyń áli júldege talasatyn múmkindigi bar. Ol úshin qarsylastary fınalǵa shyǵýy kerek.

Esterińizge sala keteıik, osyǵan deıin qazaq balýandary álem birinshiligin sátti bastaǵanyn jazǵan bolatynbyz.