Álem chempıonaty: Chehııa hokkeıshileri overtaımda Shveıtsarııany jeńdi

ASTANA. KAZINFORM - Búgin shaıbaly hokkeıden elıtalyq dıvızıonda 2025 jylǵy álem chempıonaty jalaýyn kóterdi.

Alǵashqy oıynda Shveıtsarııa men Chehııa kezdesti. Kezdesýdi shveıtsarııalyq hokkeıshiler belsendi bastaǵan edi. Qatarynan eki shaıba soǵyp, basymdyqty arttyra tústi. Olardyń qatarynan Krıstıan Martı 1, Damen Rıa 17-mınýtta mergendigimen kózge tústi.

Al odan keıin chehııalyq quramadan Mateı Stranskı 19, Fılıp Zadına 26, Fılıp Pırohta 35-mınýtta qatarynan úsh shaıba soǵyp ketti.

Endigi kezekte shveıtsarııalyq hokkeıshiler jınaqy qımyl kórsetip, qarsylastar qaqpasyna eki shaıba engizdi. Ony Sandro Shmıd 41, Sven Andrıgetto 49-mınýtta óziniń enshisine jazdy.

Oıynnyń 56-mınýtynda chehııalyq Lýkash Sedlak tarazy basyn teńestirdi.

Negizgi kezeń 4:4 esebimen teń aıaqtalyp, oıyn overtaımǵa ulasty. Overtaımda chehııalyq Roman Chervenka jeńis shaıbasyn soǵyp ketti.

Taǵy bir kezdesýde Aýstrııa men Fınlıandııa kezdesti. Kezdesý barysynda fınlıandııalyq Patrık Pýıstola 4, ıÝýso Pıarssınen 7-mınýtta gol soqsa, oǵan Bernd Volf 13-mınýtta bir golmen jaýap qaıyrdy.

Osylaısha Fınlıandııa qarsylasynan 2:1 esebimen basym tústi.

Endi 23:15-te Shvetsııa men Slovakııa, Danııa men AQSh sheberlik baıqasady.