Álem chempıonaty: Búgin fýtboldan Qazaqstan quramasy Belgııamen kezdesedi

ASTANA. KAZINFORM — Búgin fýtboldan Qazaqstan ulttyq quramasy 2026 jylǵy álem chempıonaty irikteý kezeńinde elordada Belgııamen kezdesedi. 

Bul oıyn Qazaqstan ýaqytymen 19:00–de bastalyp, «Qazsport» telearnasynan tikeleı efırde kórsetiledi.

Quramalar J tobynda synǵa túsip jatyr. Týrnır kestesinde qazaqstandyq fýtbolshylar 7 oıynnan keıin 7 upaımen tórtinshi orynda kele jatsa, Belgııa 14 upaımen kósh basynda tur.

Qazirge deıin otandastarymyz Ýelsten eki márte (1:3, 0:1), Soltústik Makedonııadan (0:1), Belgııadan (0:6) esebimen jeńilip, Soltústik Makedonııamen (1:1) teń tússe, Lıhtenshteındi (4:0, 2:0) eki márte tize búktirdi.

Al Belgııa quramasy Soltústik Makedonııa eki márte (1:1, 0:0) teń oınasa, eki márte Ýelsten (4:3, 4:2), bir márte Lıhtenshteınnen (6:0), Qazaqstannan (6:0) basym tústi.
Búgin jeńiske jetken jaǵdaıda belgııalyq fýtbolshylar álem chempıonaty fınaldyq kezeńine joldamaǵa qol jetkizedi.

FIFA reıtınginde Qazaqstan quramasy 119 orynda tursa, Belgııa 8 orynǵa jaıǵasqan. 

Eki qurama qazirge deıin 7 márte kezdesip, onyń 2-de teń nátıje tirkelse, qalǵanynda otandastarymyz qarsylasyna ese jiberip qoıdy.