Álem chempıonaty: Belgııa fýtbol quramasy Mysyrmen teń tústi
ASTANA. KAZINFORM — Fýtboldan 2026 jylǵy álem chempıonatynda Belgııa men Mysyr kezdesýiniń nátıjesi belgili boldy.
Álemdik fýtbolda aldyńǵy kóshte kele jatqan Belgııa árbir dop dodasy aldynda bas júldeden úmitkerler qatarynda sanalady. Soǵan qaramastan ázirge olar jankúıer úmitin aqtaı almaı keledi. Kópshilik kókeıinde sol olqylyqtyń ornyn bıyl toltyra ala ma degen saýal turǵan edi.
Jerebe nátıjesinde belgııalyq fýtbolshylar ońaı topqa tústi degen joramal jasalǵan edi. Lese de Mohamed Salah bastaǵan mysyrlyq qurama kez-kelgen qarsylasymen terezesi teń deńgeıde oıyn kórsete alatyny anyq bolatyn.
Oıyn barysynda belgııalyq fýtbolshylar jyldam gol soǵý múmkindigin izdedi. Esesine mysyrlyq Emam Ashýr 19-mınýtta óz múmkindigin múlt jibergen joq. Birinshi kezeńde Kevın De Breıne bastaǵan jigitter tarazy basyn teńestire alǵan joq.
Ekinshi kezeńde mysyrlyq Mohamed Hanı 66-mınýtta óz qaqpasyna gol soǵyp aldy. Bul kezdesýde qos qarsylas 1:1 esebimen teń tústi.
Aıta ketsek, buǵan deıin N tobynda Ispanııa -Kabo-Verde kezdesýinde 0:0 esebi tirkeldi.
Endi 03:00-de atalǵan toptaǵy Saýd Arabııasy — Ýrýgvaı kezdesýi bastalsa, G tobynda 06:00–de Iran — Jańa Zelandııa oınaıdy.
