Álem chempıonaty: Baǵdat Sabaz Olımpıada júldegerin utyp, qola medal enshiledi
ASTANA. KAZINFORM — Astana qalasyndaǵy «Barys Arena» sport kesheninde ótip jatqan kúres túrlerinen eresekter arasyndaǵy álem chempıonatynda Qazaqstan qorjynyna 3-júlde tústi.
Grek-rım kúresinen Ulttyq qurama sportshysy Baǵdat Sabaz (-67 kg) Parıj Olımpıadasynyń qola júldegeri, álem chempıonatynyń 3 dúrkin júldegeri ázirbaıjandyq Hasrat Djafarovpen kúsh synasty. Qola júlde jolyndaǵy beldesýde Baǵdat qarsylasyn aılasyn asyryp, 3-oryn aldy.
Keshe 22 jastaǵy otandasymyz irikteýde Azııa chempıony Razzak Beıshekeevti (Qyrǵyzstan), 1/8 aınalymda Abý Mýslım Amaevty utqan. Al shırek fınalda Parıj Olımpıadasynyń chempıony, álem chempıony, 2 dúrkin Azııa chempıony Saıd Morad Ismaılı Leıvasımen beldesip, ese jiberdi. Búgin jubanysh kezeńinde qytaılyq Jın Shındi jyǵyp, 3-orynǵa talasýǵa múmkindik aldy.
Bul - grek-rım kúresinen Qazaqstan komandasynyń enshisindegi úshinshi medal. Osyǵan deıin Ishar Qurbaev (-55 kg) pen Aıdos Sultanǵalı (-60 kg) 3-orynnan kóringen. Osymen grek-rım kúresinen báseke aıaqtaldy.
Aıta ketelik Gúlmaral Erkebaeva shırek fınalǵa shyqqan edi.
