Álem chempıonaty: «Astana» oıynshysy Bosnııa quramasyna gol soǵýǵa kómektesti
ASTANA. KAZINFORM — «Astananyń» bosnııalyq jartylaı qorǵaýshysy Ivan Bashıch 2026 jylǵy álem chempıonatynda Kanadaǵa qarsy matchta Bosnııa jáne Gertsegovına quramasynyń negizgi quramynda alańǵa shyqty, dep habarlaıdy «Sport Shredıngera» telegram-kanaly.
QPL oıynshysy Ivan Bashıch óz quramasynyń alǵashqy golyna úles qosty. Ol oryndaǵan buryshtamadan keıin Iovo Lýkıch esep ashty.
Bashıch 62-mınýtta alańnan aýystyryldy.
Toptyq kezeńdegi match 1:1 esebimen teń aıaqtaldy. 21-mınýtta Iovo Lýkıch Bosnııa men Gertsegovınany alǵa shyǵarsa, 78-mınýtta Kaıl Ların tarazy basyn teńestirdi.
Bul — 2026 jylǵy álem chempıonatyndaǵy alǵashqy teń nátıje.
Kanada quramasy úshin bul tarıhı kórsetkish boldy. Komanda álem chempıonattary tarıhynda alǵash ret matchta jeńilmedi. Kanadalyqtar buǵan deıin 1986 jáne 2022 jylǵy mýndıaldarǵa qatysqan.
Bosnııa men Gertsegovına quramasy óz tarıhyndaǵy ekinshi álem chempıonatynda óner kórsetip jatyr. 2014 jylǵy týrnırde olar Irandy jeńip, Argentına men Nıgerııaǵa jol bergen edi.
Osy toptaǵy Qatar men Shveıtsarııa quramalarynyń kezdesýi 14 maýsym kúni saǵat 00:00–de ótedi.
Al saǵat 06:00–de AQSh pen Paragvaı quramalary kezdesedi. Bul matchta týrnır qojaıyndarynyń biri AQSh quramasy álem chempıonatyndaǵy alǵashqy oıynyn ótkizedi.
Aıta keteıik, fýtboldan álem chempıonatynyń ashylý matchynda tóreshi alǵash ret úsh qyzyl qaǵaz kórsetti.
