Álem chempıonaty: Alýa Balqybekova ekinshi jeńisine qol jetkizdi

ASTANA. KAZINFORM - Búgin, 11 naýryzda Serbııanyń Nısh qalasynda ótip jatqan áıelder arasyndaǵy álem chempıonatynyń úshinshi jarys kúninde Alýa Balqybekova marokkolyq ıAsmın Mýtakımen jekpe-jek ótkizdi.

Alǵashqy eki raýndta qazaqstandyq boksshynyń basymdyǵy baıqaldy. Nátıjesinde tóreshiler biraýyzdan onyń jeńisine qoldaý bildirdi. Sheshýshi kezeńde de sol qarqynnan taıǵan joq.
Tóreshiler sheshimimen ol qarsylasynan 5:0 esebimen basym tústi.

Alýa budan buryn 1/16 fınalda kenııalyq Nzıvany jeńgen edi. 

Alýa Balqybekova - el quramasyndaǵy tájirıbeli boksshynyń biri. Álem chempıonatynda 2022 jyly kúmis alsa, 2023 jyly qola júldeger atandy. 2021, 2022 jyldarda Azııa chempıony boldy.

Endi Alýa shırek fınalda túrkııalyq Aısen Taskınmen kezdesedi. Bul jekpe-jek 13 naýryzǵa josparlanǵan.

Sondaı-aq búgin el quramasynan Vıktorııa Grafeeva (60 kel) grekııalyq Sofııa Legakı, Aıda Ábikeeva (63 keli) qytaılyq Chjao Shýoıýı, Jasmın Qızatova (66 keli) Kabo-Verde boksshysy Ivanýsa Moreıra, Gúlsaıa Erjan (81 keli) qytaılyq Van Sıaomengpen qolǵap túıistiredi.

Al alǵashqy jekpe-jeginde qarsylasy bas tartqan Jaına Shekerbekova (54 keli) búgin meksıkalyq Arıadna Hıl Alonsomen kezdesedi.

Qazaqstandyq taǵy bir boksshy Eldana Tálipova (81 keliden joǵary) 13 naýryz kúni serbııalyq Sara Mılkovıchpen sharshy alańǵa shyǵady.

Aldaǵy kúnderi Nazym Qyzaıbaı (48 keli), Karına Ibragımova (57 keli), Jasmın Qızatova (66 keli), Natalıa Bogdanova (70 keli), Nadejda Rıabets (75 keli) synǵa túsedi.

El quramasynan Anıta Adısheva (52 keli) 1/16 fınalda/meksıkalyq Patıno Hýarezge ese jiberdi.