Álem chempıonaty: Aleksandra Le fınalǵa shyǵyp, Olımpıada lıtsenzııasyna talasady
ASTANA. KAZINFORM — Nysana kózdeýden Qazaqstan komandasynyń ókili Aleksandra Le Qatar eliniń astanasy Dohada ótip jatqan álem chempıonatynda 50 metrden úsh jaǵdaıdan myltyqpen atý jattyǵýynda fınalǵa joldama aldy, dep habarlaıdy Sportty damytý dırektsııasynyń baspasóz qyzmeti.
Іrikteý kezeńinde Aleksandra 590 upaı jınap, 6-orynǵa turaqtady jáne úzdik segiz fınalıstiń qataryna endi.
Qazaqstannyń taǵy bir ókili Sofııa Shýljenko irikteýdi 582 upaımen 43-orynda aıaqtady.
Fınalda Aleksandra Le álem chempıonatynyń medalimen qatar, 2028 jyly Los-Andjeleste ótetin Olımpıada oıyndarynyń lıtsenzııasyn sarapqa salady.
Aıta keteıik, Aleksandra Le -2024 jyly Parıj Olımpıadasynda Islam Sátpaevpen juptyq saıysta (10 m, pnevmatıkalyq myltyq) qola júldege qol jetkizgen. Sonymen qatar onyń qorjynynda Azııa oıyndarynyń qola júldesi men Azııa chempıony ataǵy bar.
Dohadaǵy nysana kózdeý jáne stend atýdan álem chempıonaty 14 qarashaǵa deıin jalǵasady.
Osyǵan deıin Nıkıta Chırıýkın nysana kózdeýden álem chempıonatynda úzdik ondyqqa kirdi.