Álem chempıonaty: AQSh jáne Shveıtsarııa hokkeı quramalary jartylaı fınalǵa shyqty

ASTANA. KAZINFORM - Shaıbaly hokkeıden 2025 jylǵy álem chempıonaty elıtalyq dıvızıonynda jartylaı fınalǵa shyqqan eki qurama anyqtaldy.

Mundaı múmkindikke AQSh pen Shveıtsarııa quramalary ıe boldy.

Shırek fınalda AQSh quramasy Fınlıandııamen jolyqqan edi. Kezdesý barysynda olar qarsylasynan 5:2 esebimen basym tústi. Olardyń qatarynan Konor Garland 4, 36, Zıv Býıým 34, Sheın Pınto 45, Kleıton Keller 57-mınýtta gol soqsa, oǵan fınlıandııalyq Eelı Tolvanen 12, Patrık Pýıstola 27-mınýtta eki golmen jaýap qaıyrdy.

Al Shveıtsarııa quramasy shırek fınalda Aýstrııany 6:0 esebimen súrindirdi.

Oıyn barysynda Krıstof Berchı 6, Tımo Maıer 11, Ken Eger 14, Kevın Fıala 23, Sandro Shmıd 24, Sımon Knak 51-mınýtta mergendik tanytty.

Endi shırek fınalda Kanada men Danııa, Shvetsııa men Chehııa kezdesedi.

Álem chempıonatynda Qazaqstan quramasy V tobynda oınady. Qarsylastary - Fınlıandııa, Chehııa, AQSh, Germanııa, Danııa, Norvegııa jáne Majarstan. Oıyndar Danııanyń Hernıng qalasynda ótti.

El quramasy bıylǵy álem birinshiligin sátsiz ótkizdi. Barlyǵy kezdesýdiń bireýinde basym tússe, beseýinde qarsylasyna ese jiberdi.

Aldymen Norvegııany (2:1) jeńip, Germanııa (1:4), Majarstan (2:4), Danııa (1:5), Chehııaǵa (1:8), AQSh-qa (1:6), Shveıtsarııaǵa (1:4) ese jiberdi.

Osyǵan deıin Azııa chemponatynda qazaqstandyq boksshy qyzdar 12 salmaqta túgel altyn alǵany týraly jazdyq.