Álem chempıonaty: AQSh hokkeı quramasy Germanııany jeńdi

ASTANA. KAZINFORM - Shaıbaly hokkeıden 2025 jylǵy álem chempıonatynyń elıtalyq dıvızıonynda 17 mamyrdaǵy alǵashqy eki oıynnyń nátıjesi belgili boldy.

A tobynda Fınlıandııa men Latvııa sheberlik baıqasty. Kezdesý barysynda qarsylastar tartysty oıyn ótkizdi.

Birinshi kezeńde olar bir-biriniń qaqpasynan sańylaý taba alǵan joq. Ekinshi kezeńde 27-mınýtta ıÝýso Pıarssınen esep ashsa, odan keıin Mıkko Lehtonen 50-mınýtta esepti ústemeleı tústi.

Oǵan latvııalyq Rodrıgo Abols 55-mınýtta bir golmen jaýap qaıyrdy.

Osylaısha Fınlıandııa quramasy qarsylasynan 2:1 esebimen basym túsip, týrnır kestesinde 11 upaımen úshinshi orynǵa kóterildi.

Al V tobynda AQSh quramasy Germanııadan 6:3 esebimen basym tústi.

Oıyn barysynda AQSh sapynan Teıdj Tompson 1, Frenk Nazar 9, Drıý O'Konnor 14-mınýtta mergendik tanytty. Odan keıin germanııalyq quramadan Erık Mık 28, Ionas Mıýller 34, Voıtseh Stahovıak 35-mınýtta gol soǵyp, tarazy basyn teńestirdi.

Dese de úshinshi kezeńde AQSh hokkeıshileri taǵy da úsh márte gol soǵyp ketti. Olardyń qatarynan Konor Garland 44, Logan Kýlı 56, Kleıton Keller 58-mınýtta kózdegen nysanadan múlt ketken joq.

Endi búgin V tobynda 19:20-da Qazaqstan men Chehııa, 23:20-da Danııa men Norvegııa sheberlik baıqasady.

Al A tobynda 19:20-da Frantsııa men Shvetsııa, 23:20-da Kanada men Slovakııa oınaıdy.