Álem chempıonaty-2026 jeńimpazdary tarıhta alǵash ret chempıon júzigine ıe bolady
ASTANA.KAZINFORM — Kýbok pen altyn medaldardan basqa, 2026 jylǵy álem chempıonatynyń jeńimpaz komandasyna jeńistiń jańa sımvoly — chempıon júzikteri tabystalady.
Chempıondar júzigi jobasy týrnırdiń ótkizilý jylyna sáıkes keletin 2026 danamen shekteledi. Onyń ishinde 30 ýltra-eksklıýzıvti júzik álem chempıondary úshin saqtalady, al 1996-sy búkil álemdegi jankúıerler men kollektsıonerlerge qoljetimdi bolady.
Ár saqınanyń eki jaqty dızaıny bar. Bir jaǵynda FIFA álem chempıonatynyń kýbogy, al ekinshi jaǵynda jeńimpaz eldiń tústeri men belgileri bolady.
Chempıondar júzigi árbir oıynshy men qyzmetker úshin jeke jasalyp, serııalyq nómirleri men túpnusqa sertıfıkattarymen birge tabystalady.
— Fınaldan keıin birden jeńimpaz komandanyń kapıtany men bas bapkerine ýaqytsha júzikter beriledi. 30 saqınanyń árqaısysy arnaıy tapsyrys boıynsha jasalady jáne keıinirek resmı túrde tabystalady. Bul olardyń jetistigin ómir boıy esterinde saqtap turady, — delingen FIFA málimdemesinde.
Buǵan deıin álem chempıonatynyń kýbogy stadıonǵa Louis Vuitton chemodanymen jetkiziletini habarlanǵan bolatyn.
