Álem chempıonaty-2026: Qazaqstan fýtbol quramasy Soltústik Makedonııaǵa ese jiberdi

ASTANA. KAZINFORM - Búgin, 9 maýsymda fýtboldan Qazaqstan quramasy 2026 jylǵy álem chempıonaty irikteý kezeńi aıasynda elordada Soltústik Makedonııamen sheberlik baıqasty. 

Kezdesý barysynda quramalar alǵashqy mınýttan jyldam gol soǵýdy izdedi. Soǵan qaramastan olar dittegen maqsatyna jete almaı jatty. Degenmen qazaqstandyq qorǵaýshylar tarapynan óreskel qatelik baıqalyp jatty. Osyndaı sátterdiń birinde olar óz qaqpasyna gol jiberip aldy. Ony 33-mınýtta Aleksandar Traıkovskı óziniń enshisine jazdy.

Ekinshi kezeńde qazaqstandyq fýtbolshylar tarazy basyn teńestirýge umtyldy. Bas bapker Álı Álıev Dastan Sátpaev, Alııar Muhammed, Aleksandr Zýev bizdiń qurama sapyna qosyldy. Osydan keıin olardyń tarapynan gol soǵatyn qanshama múmkindik týyndady. Alaıda tablodaǵy esepke ózgeris engen joq.

Osylaısha Qazaqstan quramasy 0:1 esebimen ese jiberdi.

Eki qurama buǵan deıin 2021 jyldyń 4 maýsymynda joldastyq kezdesý ótkizgen edi. Atalǵan oıynda qazaqstandyq fýtbolshylar qarsylasyna 0:4 esebimen ese jiberdi.

Іrikteý kezeńinde qazaqstandyq fýtbolshylar J tobynda synǵa túsip jatyr. Qarsylastary – Belgııa, Soltústik Makedonııa, Ýels, Lıhtenshteın.

Qazirge deıin el quramasy Ýelske (1:3) jol berip, Lıýksembýrgti (2:0) qapy qaldyrdy.

Endi qazaqstandyq fýtbolshylar aldaǵy oıynyn 4 qyrkúıekte elordada Ýels quramasyna qarsy ótkizedi.