Álem chempıonaty-2026: Fýtboldan Qazaqstan quramasynyń daıyndyǵyna kimder shaqyryldy

ASTANA. KAZINFORM - Fýtboldan Qazaqstan quramasynyń 2026 jylǵy Álem chempıonatynyń irikteý kezeńi qarsańynda ótetin oqý-jattyǵý jıynyna shaqyrtý alǵan oıynshylar belgili boldy.

Bas bapkerdiń mindetin atqarýshy Álı Álıev oǵan shaqyrtý alǵan oıynshylardyń tizimin jarııalady. Oqý-jattyǵý jıyny 10-18 aqpan kúnderi Túrkııanyń Belek qalasynda ótedi.

Bapkerlik shtab atalǵan jıynǵa ulttyq quramaǵa úmitkerler men jas oıynshylardy shaqyrdy.
Qazaqstan quramasyna shaqyrtý alǵan oıynshylar tizimi:

Qaqpashylar: Bekhan Shaızada («Ordabasy»), Dinmuhammed Jomart («Jeńis»), Nurasyl Toqtarov («Atyraý»);

Qorǵaýshylar: Ular Jaqsybaev («Ordabasy»), Adı Adambaev, Almas Tólibaı (ekeýi – «Elimaı»), Dinmuhamed Qaraman («Jeńis»), Asqar Satyshev («Turan»), Amandyq Nabıhanov («Atyraý»);
Jartylaı qorǵaýshylar: Abylaıhan Nazymhanov («Elimaı»), Serikjan Mýjıkov, Alen Aımanov («Jetisý»), Jaslan Jumashev, Naýryzbek Jagorov, Meırambek Qalmyrza, Danııar Úsenov (bári – «Tobyl»), Ravıl Atyhanov («Atyraý»), Davıd Esimbekov («Chernomorets», Reseı);
Shabýylshylar: Aıbar Jaqsylyqov («Qaısar»), Alııar Muhamed («Oqjetpes»), Oralhan Ómirtaev, Aıbar Abdýlla («Aqtóbe»);

Aıta ketsek, qazaqstandyq fýtbolshylar irikteý týrnırinde J tobynda Ýels, Lıhtenshteın, Soltústik Makedonııa jáne Belgııa quramalarymen kezdesedi.

Ulttyq qurama alǵashqy oıynyn 23 naýryzda syrt alańda Ýelske qarsy ótkizedi. Odan keıin syrt alańda 26 qarashada Lıhtenshteınmen sheberlik baıqasady.

Eske salsaq, «Qaısar» bıyl sheteldik oıynshylardan bas tartty.