Álem chempıonaty-2026: Búgin Qazaqstan quramasy Lıhtenshteınmen oınaıdy
ASTANA. KAZINFORM - Búgin, 25 naýryzda fýtboldan Qazaqstan quramasy 2026 jylǵy álem chempıonaty irikteý kezeńindegi ekinshi oıynynda syrt alańda Lıhtenshteınmen qarsy ótkizedi.
Kezdesý naýryzdyń 25-inen 26-yna qaraǵan túni saǵat 00:45-te bastalyp, «Qazsport» telearnasynan tikeleı efırde kórsetiledi.
Lıhtenshteın quramasy - Qazaqstannyń ÝEFA aıasyndaǵy 48-inshi qarsylasy. Olar FIFA reıtınginde 204-orynda keledi. Ázirge eshqandaı joǵary nátıjesimen kózge túsken joq.
Eki qurama buǵan deıin birde-bir márte kezdespegen.
Atalǵan matchta Djon Bıton bastaǵan shotlandııalyq tóreshiler qyzmet atqarady. Oǵan otandastary Denıel Makfarleın men Devıd Makgıchı kómek beredi. Qosalqy tóreshi de sol eldiń ókili - Devıd Dıkınson.
Qazaqstandyq qaqpashy Stas Pokatılov jeke sebepterge baılanysty ulttyq quramanyń aldaǵy oıynyna qatysa almaıtyn boldy.
Búgingi kezdesýde Aleksandr Zarýtskıı, Muhammedjan Seısen jáne Temirlan Anarbekovtiń qaqpashylyq mindetti atqarýyna múmkindigi bar.
El quramasy 2026 jylǵy álem chempıonatyna irikteý kezeńinde J tobynda oıyn kórsetip jatyr. Qarsylastary - Belgııa, Ýels, Soltústik Makedonııa jáne Lıhtenshteın.
Іrikteý kezeńi 2025 jyldyń naýryzynda bastalyp, qarasha aıynda aıaqtalady.
Eske salsaq, alǵashqy týrda syrt alańda Qazaqstan Ýelske 1:3 esebimen jol berse, Lıhtenshteın Soltústik Makedonııa 0:3 esebimen jeńilip qaldy.