Álem chempıonaty-2026: Baqtıer Zaınýtdınov aldaǵy eki oıynǵa qatysa ala ma
ASTANA. KAZINFORM — 2026 jylǵy fýtboldan álem chempıonatyna irikteý kezeńi aıasyndaǵy Qazaqstan quramasynyń aldaǵy eki kezdesýine qatysa almaıtyn oıynshylar belgili boldy.
Qazaqstan fýtbol federatsııasynyń málimetinshe, Ramazan Kárimov pen Roman Asrankýlov alǵan jaraqatyna baılanysty oqý-jattyǵý jıynyna qatyspaıdy.
— Al Baqtıer Zaınýtdınovtiń de jaraqaty bar. Ol qurama sapyna 17 naýryzda qosylady. Qosymsha medıtsınalyq qaralymnan ótedi. Sol arqyly aldaǵy oıyndarǵa qatysý-qatyspaýy týraly sheshim qabyldanady, — dep jazylǵan habarlamada.
El quramasy 2026 jylǵy Álem chempıonatyna irikteý kezeńinde J tobynda oıyn kórsetedi. Qarsylastary — Belgııa, Ýels, Soltústik Makedonııa jáne Lıhtenshteın.
Matchtar 2025 jyldyń naýryzynda bastalyp, qarasha aıynda aıaqtalady.
Aıta ketsek, Qazaqstan quramasy 22 naýryzda syrt alańda Ýelspen kezdesse, 25 naýryzda Lıhtenshteınge qarsy oınaıdy.
Eske salsaq, budan buryn aldaǵy eki matchqa shaqyrtý alǵan oıynshylardyń naqty tizimin
jarııalandy.