Álem chempıonaty: 11 naýryzda el quramasynan kimder synǵa túsedi

ASTANA. KAZINFORM - Búgin, 11 naýryzda Serbııanyń Nısh qalasynda ótip jatqan áıelder arasyndaǵy álem chempıonatynyń úshinshi jarys kúninde el quramasynan alty boksshy synǵa túsedi.

Olardyń barlyǵy 1/8 fınalda sharshy alańǵa shyǵady.

El quramasynan Vıktorııa Grafeeva (60 kel) grekııalyq Sofııa Legakı, Aıda Ábikeeva (63 keli) qytaılyq Chjao Shýoıýı, Jasmın Qızatova (66 keli) Kabo-Verde boksshysy Ivanýsa Moreıra, Gúlsaıa Erjan (81 keli) qytaılyq Van Sıaomengpen qolǵap túıistiredi.

Al budan buryn 1/16 fınalda kenııalyq Nzıvany jeńgen Alýa Balqybekova (50 keli) endi marokkolyq ıAsmın Mýtakkımen kezdesse, alǵashqy jekpe-jeginde qarsylasy bas tartqan Jaına Shekerbekova (54 keli) meksıkalyq Arıadna Hıl Alonsomen kezdesedi.

Sondaı-aq alǵashqy jekpe-jeginde ózbekstandyq Oltınoı Sotımboevany tize búktirgen Eldana Tálipova (81 keliden joǵary) endi 13 naýryz kúni serbııalyq Sara Mılkovıchpen sharshy alańǵa shyǵady.

El quramasynan Anıta Adısheva (52 keli) 1/16 fınalda/meksıkalyq Patıno Hýarezge ese jiberdi.

El quramasynan aldaǵy kúnderi Nazym Qyzaıbaı (48 keli), Karına Ibragımova (57 keli), Jasmın Qızatova (66 keli), Natalıa Bogdanova (70 keli), Nadejda Rıabets (75 keli) synǵa túsedi.