Álem boıynsha kedendik organdar júk tasymalynyń tek 2 paıyzyn ǵana tekserýden ótkizedi
KÝ. 18 qazan. QazAqparat /Berik Hamıdov/ - Álem boıynsha ártúrli elderdegi keden organdarynyń qyzmetkerleri ártúrli júk tasymaldaıtyn konteınerlerdiń 2 paıyzdan az bóligin ǵana tekserýden ótkizedi.
Bul týraly Bakýde esirtki zattarynyń zańsyz aınalymyna qarsy kúres jónindegi halyqaralyq konferentsııa barysynda BUU-nyń esirtki jáne qylmys jónindegi Basqarmasynyń (UNODC) qylmystyń aldyn alý jónindegi sarapshysy Nıkol Matıs málim etti.
«Búgingi tańda jyl boıy 500 mln. konteıner álem boıynsha júk tasymaldaıdy. Álemde zań boıynsha jumys isteýge quqyly júk tasymal júıesi bar, al esirtki tasymaldaýǵa úlken múmkindikteri bar qylmyskreler sol zańdy konteınerlerdi óz esirtkilerin tyǵyp tasymaldaýǵa paıdalanady», - dep habarlady N.Matıs hanym.
Onyń atap ótkenindeı, keden qyzmetkeleri fızıkalyq turǵyda barlyq konteınerlerdi tekserýden ótkizip úlgermeıdi. Ol sondaı-aq júkti túgeldeı tekserýge tyıym salynǵan halyqaralyq júk tasymaly jónindegi konventsııa bar ekenin eske saldy.
Onyń aıtýynsha, barynsha kúdik týdyrǵan júk konteınerleri ǵana tekseriledi.
