Álem boıynsha COVID-19 aýrýy qaıta kúsheıip kele jatyr

DÝShANBE. Hovar – QazAqparat – COVID-19 qaýpi áli seıilgen joq, dep habarlaıdy QazAqparat Hovar agenttigine silteme jasap.

DDSU aqparattyq bıýlletenine sáıkes, álemde 13-30 shilde aralyǵyndaǵy tórt apta ishinde 1 008 194 ınfektsııa juqtyrǵandar men 3 132 ólim tirkelgen.

Uıym DDSU 5 mamyrda jarııalaǵan tótenshe jaǵdaı rejıminiń aıaqtalýyna qaramastan, COVID-19 áli de qaýipti bolyp qala beretinin málimdedi.

Osyǵan baılanysty elderdi aýrýmen kúresýge qurylǵan ınfraqurylymdy áli de qoldaýǵa shaqyrdy.

«Epıdemııalyq baqylaý, esep berý, koronavırýstyń nusqalaryn qadaǵalaý, erte klınıkalyq kómek kórsetý, joǵary qaýipti toptarda kúsheıtkish vaktsınatsııa júrgizý óte mańyzdy», - delingen bıýlletende.

Batys Tynyq muhıty aımaǵynda aýrýdyń 38%-ǵa ósýi baıqaldy, al DDSU-nyń qalǵan bes aımaǵynda tómendedi. Ólim-jitim barlyq alty aımaqta, ásirese Eýropada 75 %-ǵa tómendedi.

Tórt apta ishinde eń kóp aýyrǵandar Koreıa Respýblıkasynda anyqtaldy - 751 484.

Odan keıin Brazılııa (45,642), Avstralııa (30,144), Jańa Zelandııa (23,443) jáne Sıngapýr (23,216). Brazılııada eń kóp qaıtys bolǵandar 13-30 shilde aralyǵynda tirkeldi - 695.

Odan keıin Perý (321), Avstralııa (260), Reseı (251) jáne Koreıa Respýblıkasy (199).