Álem boıynsha 250 mln. bala kúshtep eńbekke tartylady - EQYU arnaýly ókili
ASTANA. 27 qarasha. QazAqparat /Qanat Mámetqazyuly/ -Álem boıynsha 250 mln. bala kúshtep eńbekke tartylady. Búgin elordada EQYU aıasyndaǵy Sholý konferentsııasynda «Adam saýdasymen kúres» sessııasy boıynsha sóz sóılegen EQYU adam saýdasymen kúres jónindegi arnaýly ókili Marııa-Gratsııa Djammarınaro osylaı málim etti.
«Búgingi kúni adam saýdasyna, onyń ishinde balalar saýdasyna qatysty jaǵdaıǵa keletin bolsaq, árıne bundaı «saýdany» sandyq málimetpen dóp basyp, aıqyn aıtý qıynyraq. Degenmen, bul problemanyń aýqymyna qatysty baǵalaýlary da barshylyq. Máselen, Halyqaralyq eńbek uıymynyń málimetterine súıensek, búkil álem boıynsha shamamen 250 mln. bala kúshtep eńbekke jegiledi. Olardyń teń jarymy óte qıyn jaǵdaıda jumysqa tartylyp otyr», deıdi arnaýly ókil. Onyń aıtýynsha, BUU málimetteri boıynsha búgingi kúni barlyq adam saýdasyna uqsas «qurbandyqqa» túskenderdiń 40-50 paıyzǵa jýyǵy balalar bolyp tabylady.Árıne, bizde naqty málimetter joq, óıtkeni bundaı qylmystyń tek az ǵana bóligi tergeýge alynatyny, qylmystyń shamaly ǵana bóligi anyqtalyp jatatyny belgili. Zertteýge sáıkes, balalar ásirese qaqtyǵys alańdarynda kóbirek «saýdaǵa» túsip otyr. BUU baǵalaýy boıynsha, jalpy álemde 8 jastan joǵary 30 myńǵa tarta bala «jaýynger» bolyp, qolyna qarý alýǵa májbúrlengen. Bundaı májbúrleýshilikter bir jerde kóterilisshiler tarapynan oryn alsa, keıbir óńirde úkimettik bılik tarapynan da júzege asqan», dedi - G. M. Djammarınaro.
