Álem boıynsha myqty 100 grossmeısterdiń qataryna engim keledi – Edgar Mamedov

AQTAÝ. KAZINFORM – Qazaqstan tarıhynda 14 jasta eń jas halyqaralyq grossmeıster ataǵyn ıelengen aqtaýlyq shahmatshy Edgar Mamedov bolashaqta álem chempıony bolýdy armandaıdy. 

Edgar Mamedov Aqtaý qalasynda týyp-ósken. Shahmatqa 5 jasynan bastap qatysqan. Alǵashqy jattyqtyrýshysy — «Debıýt» shahmat mektebiniń dırektory Anvar Shaıhymov.

Edgar qazir Almaty qalasyndaǵy respýblıkalyq fızıka-matematıka mektebinde 9-synypta oqıdy. 

— 14 jasymda 3 birdeı talapty oryndap, Qazaqstan tarıhyndaǵy eń jas grossmeıster atanýyma shahmatqa degen súıispenshiligim, eńbekqorlyǵym kómektesti. Al, bul qasıetterdi meniń boıyma birinshi jattyqtyrýshym Anvar Shaıhymov sińirdi, — deıdi Edgar. 

Edgar Mamedov maýsym aıynda Londonda ótetin álem chempıonatyna baryp, Qazaqstannyń erler quramasymen birge óner kórsetýdi josparlap otyr. 

— Maqsatym Qazaqstandaǵy eń myqty grossmeıster ataný. Sol úshin tynbaı eńbektenip, úzdiksiz jattyǵyp kelemin. Qazaqstan shahmat federatsııasy, Mańǵystaý oblystyq sport basqarmasy qoldaý bildirip jatyr. Álem boıynsha myqty 100 grossmeısterdiń qataryna engim keledi, — deıdi Edgar Mamedov. 

Buǵan deıin, Aqtaýlyq shahmatshy Qazaqstan tarıhyndaǵy eń jas halyqaralyq grossmeıster atanǵany týraly jazǵan bolatynbyz.